搵室內設計5大注意事項

annawong1001

無論你新屋入伙定舊樓翻新，幫家居進行大改造係一件大事，就咁搵裝修師傅雖然都可以搞得掂，但如果想出來嘅效果夠貼心又實用又有你嘅個人品味，就一定要搵室內設計師或室內設計公司幫手。不過進行 室內設計 需要顧及好多細節，以下有5大事項大家一定要特別留意：

1）先行估價，以防超支

室內設計及裝修動輒要幾十萬，但未必個個有鬆動預算。除咗住宅面積外，難以處理嘅間隔都會令價格上漲。如果間隔奇特、有死角或弧型空間，室內設計師或需要改間隔同特別訂製傢俬，預算就會提高。另外，樓齡高嘅單位好大機會要進行大型防水同清拆工程，如全屋更換水管、電線。如果你個單位係呢種情況，必須要有心理準備應付大增嘅預算。

2）了解家庭成員需要

不同家庭成員對家居空間需要各有不同。女性可能要較多衣物收納空間，兒童需要活動空間，而老人家就要夠方便和安全至上（如防滑設計、扶手安裝等）。室內設計前，要以先了解家庭成員目前需要，以及預計家庭未來發展，特別係居住人數會否出現變化。另外，如果有家人信奉風水或家中設有神位，亦要有預先考慮如何布局。

3）搵個心儀室內設計師

好多人搞室內設計，會先搵心儀搵室內設計師，除咗係親戚朋友推薦之外，慣常做法主要係瀏覽網站、參考雜誌或參觀實體店。

不過坊間室內設計公司數目眾多，逐一瀏覽同參觀都要耗費唔少時間，而且花多眼亂時唔容易搵到心儀選擇。所以而家有啲網上平台都可以幫到大家，只要你發送基本資料以及室內設計需要，平台就會以你設定嘅條件嚴選室內設計師，佢哋會向你發出報價、主動提供過往作品同專業建議，為你省回不少時間之餘，更容易搵到合適你嘅設計師。

4）與設計師多互動溝通

聘請室內設計師後，可以向佢哋展示你喜好風格嘅相片，將所有元素蒐集並交俾設計師，等佢具體了解你想要嘅家居布置。而在你選購材料和家具時，可以要求設計師陪同，因為佢哋熟悉購買唔同原材料嘅地點，以及懂得分辨質素高低，可以俾你不少意見。記住，室內設計師除咗滿足你嘅布置靈感外，仲要考慮實際技術上是否可行，所以實際作品有微調都屬於正常情況，多作溝通就會令過程更順暢。

5）完工後仔細檢驗單位

本地業界對裝修工程品質沒有既定標準，故工程完成後作仔細驗樓相當重要，可以避免日後保養開支。除咗檢查牆身、地板等表面有冇崩花爛裂外，仲有好多細微位仲需要留意。結構方面，要留意各設備與配套是否齊全，如電器、家具、管道、接駁口和通訊網絡等。安全方面，要留意用料及設計是否防火、防漏、防盜等。想檢驗單位做得更嚴謹，坊間都有啲驗樓公司可以代勞。